Bütün xidmətlər
Ürtiker və allergik səpgilər
Kəhillik, Kvinke ödemi, allergik dermatit, günəş, dərman və qida allergiyası.
Ürtiker, xalq arasında kəhillik, dəridə qəfil çıxan, qaşınan, gicitkən yanığına bənzəyən qabarcıqlardır. Ayrı-ayrı elementlər adətən bir gün ərzində izsiz keçir, amma yeniləri çıxa bilər. Səbəb qida, dərman, həşərat sancması, infeksiya, soyuq, isti və ya günəş ola bilər, bəzən isə səbəb tapılmır.
Təcili yardım lazım olan hallar
- Dodaqların, dilin, boğazın və ya göz qapaqlarının şişməsi (Kvinke ödemi)
- Nəfəs almaqda çətinlik, səsin batması
- Başgicəllənmə, zəiflik, huşun itməsi
Belə hallarda gözləməyin, dərhal 103 təcili yardım xidmətinə zəng edin.
Müayinə və müalicə
- Səbəbi və tetikləyiciləri birlikdə axtarırıq, lazım olsa, analiz təyin edirəm
- Antihistamin preparatlar və uzun sürən ürtikerdə mərhələli müalicə
- Allergik kontakt dermatitdə dəriyə toxunan allergenin tapılması
- Günəş allergiyası, dərman və qida allergiyasının dəri əlamətləri
Altı həftədən çox davam edən ürtiker xroniki sayılır və planlı müayinə, bəzən allerqoloqla birgə iş tələb edir.